Maharashtra Rain : २४ ऑगस्ट २०२६ रोजी पंजाबराव डख यांनी महाराष्ट्रातील शेतकऱ्यांसाठी महत्त्वाचा हवामान अंदाज दिला आहे. विशेषतः विदर्भातील जिल्ह्यांमध्ये जोरदार पावसाची शक्यता असल्याने शेतकऱ्यांनी दक्ष राहावे, असे त्यांनी सांगितले.
आज २४ ऑगस्टचा अंदाज
आज चंद्रपूर, गडचिरोली, वर्धा, नागपूर, भंडारा, यवतमाळ, किनवट आणि उमरेड परिसरात रात्रीपर्यंत जोरदार पाऊस पडण्याची शक्यता आहे. विदर्भातील शेतकऱ्यांनी हा अंदाज गांभीर्याने घ्यावा.
पाऊस पुढे सरकत नांदेड जिल्ह्यात पोहोचेल. नांदेड, नायगाव, नरसी, धर्मबाद परिसरात तसेच तेलंगणाच्या काही भागांत पाऊस अपेक्षित आहे. अमरावती, अचलपूर, दर्यापूर भागातही आज रात्रीपर्यंत पाऊस पडण्याची शक्यता आहे.
परभणी, लातूर आणि धाराशिव जिल्ह्यांत काही ठिकाणी विरळ पाऊस पडू शकतो. संभाजीनगर जिल्ह्यात सिल्लोड, निल्लोड ते सोयगाव परिसरात आज पाऊस अपेक्षित आहे.
विदर्भात चांगला पाऊस
वर्धा, नागपूर, भंडारा, गोंदिया, चंद्रपूर, यवतमाळ आणि महूर परिसरात जोरदार पाऊस पडण्याची शक्यता आहे. पश्चिम विदर्भात बुलढाणा, हिंगोली, वाशिम भागातही विरळ स्वरूपात पाऊस पडू शकतो. यवतमाळ जिल्ह्यात आज रात्री चांगला जोरदार पाऊस अपेक्षित आहे.
नांदेड जिल्ह्यात दुपारनंतर आणि रात्री हलक्या स्वरूपात पाऊस पडण्याची शक्यता आहे. हा पाऊस पिकांसाठी फायदेशीर ठरेल.
मराठवाडा आणि इतर भाग
परभणी, जालना, लातूर आणि बीड जिल्ह्यांत दुपारनंतर विरळ पाऊस पडू शकतो. सोलापूर जिल्ह्यात सांगोला, पंढरपूर, आटपाडी परिसरात चांगला पाऊस अपेक्षित आहे. अहिल्यानगर (शिगोंदा) आणि पाथरी परिसरातही आज पाऊस पडण्याची शक्यता आहे.
कोकण पट्ट्यात कोल्हापूर ते राधानगरी ते पालघरपर्यंत पाऊस सुरू राहील. पुणे, संगमनेर, अकोले, नाशिक आणि इगतपुरी परिसरातही विरळ पाऊस पडू शकतो.
२५ ते २८ ऑगस्टचा अंदाज
२५, २६, २७ आणि २८ ऑगस्ट दरम्यान विदर्भात चांगला पाऊस राहील. लो प्रेशर अरियामुळे विदर्भात जास्त पाऊस पडण्याची शक्यता आहे. मराठवाड्यात परभणी, हिंगोली, नांदेड आणि जालना परिसरात या कालावधीत हलक्या स्वरूपात पाऊस पडू शकतो.
धुळे, जळगाव, नंदुरबार परिसरातही २६ ते २८ ऑगस्ट दरम्यान विरळ पाऊस अपेक्षित आहे.
सप्टेंबरमध्ये काय होईल?
सध्या लो प्रेशर बेल्ट्स विशाखापट्टणम ते भुवनेश्वरकडे जात असल्याने पाऊस थेट नागपूरकडे वळतो आणि नंतर मध्य प्रदेश, उत्तर प्रदेशकडे जातो. त्यामुळे महाराष्ट्रात सध्या पाऊस कमी आहे. सप्टेंबरमध्ये मछलीपट्टणम आणि चेन्नई परिसरात अनुकूल परिस्थिती निर्माण झाल्यास महाराष्ट्रात चांगला पाऊस पडण्याची शक्यता आहे. रिटर्न मॉन्सून शेतकऱ्यांसाठी फायदेशीर ठरू शकतो.
